उत्तप्पा हा दक्षिण भारतातील प्रसिद्ध पदार्थ आहे त्यांच्या जेवणातील प्रमुख पदार्थ आहे.
साहित्य:-
३ वाट्या तांदूळ,
दीड वाटी उडदाची डाळ,
मीठ,
चिमूटभर सोडा ,
एक कांदा,
एक टोमॅटो,
जाड दोन हिरव्या मिरच्या,
कोथिंबीर
तेल
कृती:
तांदूळ व उडदाची डाळ रात्रभर भिजत घालावी. सकाळी तिला स्वच्छ धुऊन तिला बारीक वाटून घ्यावी. सायंकाळी या रवणामध्ये मीठ आणि चिमूटभर सोडा घालावा. नंतर या रवणामध्ये चिरलेला कांदा चिरलेला टोमॅटो चिरलेल्या जाड मिरच्या, चिरलेली कोथिंबीर घालून सर्व मिश्रण एकत्र करून घ्यावे. उत्तप्पाचे रावण तयार झाले आहे. डोशाच्या तव्याला तेल लावून गोल उत्तप्पा काढावा.
हा उत्तप्पा खरपूस भाजून घ्यावा. उत्तप्पा तयार झालेला आहे उत्तपा खोबऱ्याच्या चटणी सोबत किंवा सॉस सोबत तुम्ही खाऊ शकतात.
टिप्स:-
खोबऱ्याची चटणी मी इडलीच्या रेसिपी सोबत शेअर केलेली आहे.
वेळ व परिमाण:
भिजवण्यासाठी वेळ: ८ तास तयारीची वेळ: २० मिनिटे एकूण वेळ: १ तास परिमाण: ४ जणांसाठी
अन्न हे पूर्ण ब्रम्ह सर्वाना नमस्कार • अन्न हे केवळ पोटभरण्यासाठी नसून ते एक पवित्र आणि आवश्यक गोष्ट आहे, ज्यातून जीवन जगण्यासाठी ऊर्जा मिळते • अन्न हे जीवन जगण्याचा आणि ऊर्जेचा मुख्य स्रोत आहे. ते शरीराचे पोषण करते आणि स्वस्थ आरोग्य सुधारण्यास मदत करते. • अन्न ग्रहण करताना आपण अन्नचा आदर केला पाहिजे. हळू खाणे, त्याची चव घेणे आणि कृतज्ञता बाळगणे हे महत्त्वाचे आहे. • ‘पूर्ण’ म्हणजे संपूर्ण आणि ‘ब्रह्म’ म्हणजे निर्मिती किंवा वाढ. या वाक्यातून अन्न हे केवळ पोट भरणारे नसून ते एक दैवी देणगी आहे. • योग्य आणि पौष्टिक अन्न घेतल्याने शरीर निरोगी राहते. तसेच, अन्नाचा आदर केल्याने मानसिक शांतता मिळते. आज विविध प्रसार माध्यमातून अनेक पुस्तके, youtube video, reals, कार्यक्रमाच्या मध्यमातून अनेक व्यंजनाच्या पाककृती आपणास बघायला मिळतात. ह्या वेबसाइट च्या माध्यमातून महाराष्ट्रीयन खाद्य संस्कृती मधील व्यंजन बनविण्याची ते ही पारंपरिक पद्धतीने बनविण्याची कृती याद्वारे आपल्या पर्यन्त पोहचविण्याचा प्रयत्न करीत आहोत. याचा उपयोग निश्चितच पूर्ण ब्रह्माचा आस्वाद घेण्याऱ्या खव्वये, यांना होईल.
