खुसखुशीत बटाटा भजी
प्रस्तावना::
बटाटा भजी तर आपण नेहमीच खातो… पण हॉटेल स्टाईल जर मिळाले एकदम खुसखुशीत अशी भजी मिळाली तर किती छान…. त्याच पद्धतीने आपण भजी आता बनवणार आहे…
साहित्य:::
- एक वाटी बेसन
- एक बटाटा
- कोथिंबीर
- पाव चमचा हळद
- चवीप्रमाणे मीठ
- पाव चमचा ओवा
- चिमूटभर सोडा
- चार ते पाच थेंब लिंबू चा रस
- पाणी
- तळण्यासाठी तेल
कृती::
एक वाटी बेसनामध्ये पाव चमचा हळद चवीप्रमाणे मीठ ओवा घालून त्यामध्ये पाणी घालून मिडीयम असे मिश्रण करून घ्या….
जास्त घट्टही नको आणि जास्त पातळही नको असे मिश्रण आपल्याला तयार करायचे आहे… यामध्ये चिरलेली कोथिंबीर घाला…
हे मिश्रण तयार झाल्यानंतर भजी आपल्याला एकदम कुरकुरीत येण्यासाठी… चिमूटभर सोडा घालून त्यावर लिंबाच्या रसाचे चार ते पाच थेंब घाला…
म्हणजे सोडा ऍक्टिव्हेट होईल…. सोडा ऍक्टिव्हेट झाल्यानंतर विस्करच्या साह्याने हळूहळू मिश्रणामध्ये मिक्स करून घ्या….
मिश्रण हे जोरात मिक्स करायचे नाही…. त्यामुळे सर्व भज्यांचे रवण स्पंजीदार होईल…. आणि आपली भजी कुरकुरीत आणि खुसखुशीत होतील….
आता आपण बटाटा घेऊन सोलून घ्या… आणि बटाट्याच्या किसणीवर त्याच्या स्लाईस पाडून घ्या…
मीठ लावून घ्या… आता बटाट्याच्या स्लाईस बेसनाच्या मिश्रणामध्ये घाला…. आणि बटाटा भजी तळून घ्या….
व्यवस्थित करून घ्या भजी एकदम कुरकुरीत आणि खमंग अशी होतील… तर आपण एन्जॉय करूया हॉटेल स्टाईल बटाटा भजी….
टिप्स:::
सोडा अगदी चिमूटभर घालावा.. कारण सोन्याचे प्रमाण जर वाढले तर भजी तेलकट होतील…
वेळ व परिमाण:::
तयारीची वेळ:५ मिनिटे
एकूण वेळ ::२०मिनिटे
परिमाण: एका व्यक्तीसाठी
