शेवांची (हिरवी) भाजी
प्रस्तावना:
शेवांची हिरवी भाजी ही खान्देश भागातील भाजी आहे.
शेवांची हिरवी भाजी ही ज्वारीच्या भाकरी सोबत किंवा बाजरीच्या भाकरी सोबत एकदम रुचकर लागते.
साहित्य:
- १ वाटी शेव,
- एक लहान कांदा,
- दहा खोबऱ्याचे काप
- पाच हिरव्या मिरच्या
- थोडी कोथिंबीर,
- एक चमचा शेंगदाणे,
- हळद
- जिरे मोहरी
- फोडणीसाठी तेल
- मीठ
- एक ग्लास गरम पाणी,
- सात ते आठ लसूण पाकळ्या
- अर्धा इंच अद्रक तुकडा
कृती:
प्रथम आपण कांदा बारीक चिरून घ्या.
गरम तव्यावर चिरलेला कांदा खोबऱ्याचे काप आणि मिरच्या गडद तांबूस होईपर्यंत भाजून घ्या.
नंतर मिक्सरच्या भांड्यामध्ये भाजलेले शेंगदाणे कांदा, खोबरं अद्रक लसूण आणि कोथिंबीर थोडे पाणी घालून बारीक अशी चटणी करून घ्या.
एका कढईमध्ये तेल गरम करून त्यामध्ये जिरे मोहरीची फोडणी घाला.
त्यामध्येही केलेली चटणी घाला चटणीला तेल सुटेपर्यंत परतवा.
चटणीला तेल सुटल्यानंतर त्यामध्ये एक ग्लास गरम पाणी घाला भाजीला चांगली चार ते पाच उकळ्या येऊ द्या.
भाजीला उकड्या आल्यानंतर त्यामध्ये चवीप्रमाणे मीठ घाला वरून चिरलेली कोथिंबीर घाला.
आता गॅस बंद करून एक वाटी शेव घाला आता आपली शेवांची हिरवी भाजी भाकरी सोबत खाण्यास तयार आहे.
टिप्स:
भाजी बनवताना आपण शेंगदाणे खोबरं तसेच कांदा गडद तांबूस रंगावरून यासाठी भासतो की त्याची चव चांगली लागते.
वेळ व परिमाण:-
तयारीची वेळ :१० मिनिटे
एकूण वेळ :३०मिनिटे
परिमाण :२ जणांसाठी
