झटपट तयार होणारा मक्याचा चिवडा
प्रस्तावना:::
छोटी सी भूक!!!!
काय असते छोटीशी भूक जी लहान मुलांना लागलेली असते… झटपट काहीतरी हवा… आणि ती पण खमंग चटपटीत असे हवे…. तर त्यासाठी हा झटपट होणारा मक्याच्या पोह्यांचा चिवडा….
साहित्य:::
- एक वाटी मका पोहे
- दहा ते बारा कडीपत्त्याची पाने
- दहा ते बारा शेंगदाणे
- पाव चमचा हळद
- पाव चमचा तिखट
- पाव चमचा पिठीसाखर
- चवीप्रमाणे मीठ
- चाट मसाला
- तळण्यासाठी तेल
कृती:::
सर्वप्रथम तेल गरम करून घ्या… कडकडीत असे तेल गरम झाल्यानंतर त्यामध्ये कढीपत्ता तळून घ्या… कढीपत्ता तळून झाल्यानंतर त्यामध्ये शेंगदाणे तळून घ्या….
त्यानंतर मक्याचे पोहे थोडे थोडे तळून घ्या…. सर्व मक्याचे पोहे तळून झाल्यावर एका ताटामध्ये काढा….
या सर्व मक्याचे पोहे शेंगदाणे कढीपत्ता यावर पाव चमचा हळद पाव चमचा तिखट चवीप्रमाणे मीठ आणि चाट मसाला घाला…
आणि सर्व मक्याचे पोहे व्यवस्थित एकत्र करून घ्या… त्यावर पिठीसाखर घाला…. चाट मसाला तुम्ही तुमच्या आवडीप्रमाणे घालू शकतात…
चटपटीत आंबट गोड असे मक्याचा पोह्यांचा चिवडा लहान मुलांच्या छोट्याशा भुकेसाठी द्या….
लहान मुले अत्यंत खुश होतील… कुरकुरीत खमंग चटपटीत असा मक्याचा चिवडा तयार आहे…
वेळ व परिमाण::
तयारीची वेळ ::५मिनिटे
एकूण वेळ ::२०मिनिटे
