भेंडीची भाजी
प्रस्तावना:
भेंडीची भाजी ही पूर्वी पूर्वीपासून केली जाणारी व लहान मुलांना सर्वात आवडती भाजी आहे.
साहित्य:
- पाव किलो भेंडी,
- पाच हिरव्या मिरच्या,
- सात ते आठ लसूण पाकळ्या,
- फोडणीसाठी तेल,
- जिरे मोहरी,
- मीठ
कृती:
सर्वप्रथम पाव किलो भेंडी स्वच्छ धुऊन घ्या. भेंडीला कोरडी करून घ्या. भेंडी कोरडी केल्यानंतर बारीक बारीक गोल काप करून घ्या.
तुम्हाला आवडत असल्यास लांबोळे काप केले तरी चालतील मी इथे गोल काप केलेले आहे. लसूण आणि हिरव्या मिरचीचे ही काप करून घ्या.
एका कढईमध्ये तेल गरम करा. तेल चांगले कडकडीत गरम झाले की मग त्यात जिरे मोहरीची फोडणी घाला.
त्यामध्ये लसूण आणि मिरची चे काप घाला. मिरच्या तांबूस रंगावर परतल्यानंतर कापलेल्या भेंडी घाला. भेंडीवर साधारण तीन मिनिटे ठेवा.
भेंडी आपण लोखंडी कढईमध्ये करू शकतो त्यामुळे आपल्याला थोडेफार लोह प्राप्त होते. किंवा आपल्याकडे असेल त्या कढईमध्ये आपण भेंडी बनवू शकतो
मी इथे दोन्ही कडईंचा वापर केलेला आहे.
भेंडी परतून घ्या. भेंडी परतल्यानंतर त्यामध्ये आपल्या चवीप्रमाणे मीठ घाला. मीठ घातल्यानंतर भेंडी पुन्हा परतवून घ्या .
साधारण पाच मिनिटे मंद आचेवर भेंडी शिजू द्या. आता मात्र भेंडीवर झाकण ठेवायचे नाही. आता भेंडीमध्ये चिरलेली कोथिंबीर घाला.
आपली भेंडी तयार झालेली आहे. भेंडी ही तुम्ही ज्वारीची भाकरी किंवा पोळी सोबत तुम्ही खाऊ शकतात. चल आता मैत्रिणींनो आपली भेंडीची भाजी आता तयार झालेली आहे….
भेंडी म्हटली की लहान मुलांना अत्यंत प्रिय रोज जरी भेंडी दिली मुलांना तरी ते आवडीने खातात. पण त्यामध्ये वेगवेगळे प्रकार हवेत लवकरच मी भेंडीचा दुसरा प्रकार शेअर करेल….. चला मग आपण आता टिफिन पण पॅक करून घेऊया…. तयार झालेल्या भेंडीच्या भाजीसोबत……
टिप्स :
भेंडीच्या भाजीवर झाकण ठेवू नये .भेंडी चिकट होऊ शकते. आणि भेंडीला सतत हलवू नये त्यामुळे भेंडी चिकट होते.
वेळ व परिमाण:
तयारीची वेळ: १० मिनिटे
एकूण वेळ: ३० मिनिटे
परिमाण: २ जणांसाठी
