दाळ गंडोरी(दाळ मिरची)
थोडक्यात
ही खांदेशी भागातील हिरवी पातळ भाजीचा प्रकार आहे
साहित्य
- अर्धी वाटी तुरीची दाळ
- 1 जाड हिरवी मिरची
- 6 बारीक हिरवी लहान मिरची
- अर्धी लहान वाटी शेगदाणे
- 10 लसूण पाकळ्या
- छोटा अद्रक तुकडा
- हळद
- पाव चमचा गरम मसाला
- मीठ
- फोडण्यासाठी तेल
- जिरे, मोहरी
- कोथीबिर
कृती
सर्वप्रथम आपण तुरीची डाळ स्वच्छ धुऊन घ्या. तुरीची डाळ स्वच्छ धुतल्यानंतर ती कुकरच्या पॅनमध्ये घाला. आणि त्यामध्ये कापलेली जाड मिरची घाला आता यामध्ये पाणी घालून दोन ते तीन शिट्या येऊ द्या. शिट्या झाल्यानंतर कुकर बंद करा.
चटणीची कृती::
तव्यावर आपण बारीक हिरव्या मिरच्या चांगल्या दोघांनी खरपूस भाजून घेऊ . त्यानंतर त्यावर शेंगदाणे खरपूस भाजून घेऊ.
शेंगदाणे आणि मिरच्या भाजल्यानंतर त्या मिक्सरच्या भांड्यामध्ये घाला त्यामध्ये दहा लसूण पाकळ्या घाला अद्रकाचा तुकडा घाला कोथिंबीर घाला .
अर्धा चमचा धने पूड पाव चमचा जिरे घाला. याची बारीक चटणी करून घ्या. चटणी मध्ये तुम्ही पाणी घाला त्यामुळे चटणीची पेस्ट तयार होईल. आपली हिरवी चटणी आता तयार झालेली आहे.
आपण भाजीला फोडणी देऊ. एका कढईमध्ये कडकडीत तेल गरम करा त्यामध्ये जिरे, मोहरी, लसूण चे काप घाला. तडतडल्यानंतर त्यामध्ये आपली हिरवी चटणी घाला .
हिरवी चटणी घातल्यानंतर त्यामध्ये पाव चमचा हळद ,पाव चमचा गरम मसाला चटणी चांगली तेल सुटेपर्यंत परतवून घ्या. चटणीला आजूबाजूने तेल सुटलेले आहे.
आता आपले कुकरचे झाकण उघडून घ्या आणि त्यामधील डाळ आणि डाळ मिरचीचे मिश्रण तेल सुटलेल्या चटणीच्या मिश्रणामध्ये घाला.
आता हे मिश्रण मिक्स करून घ्या. त्यानंतर गरम पाणी करून घ्या त्यामध्ये आपण गरम पाणी घाला आपल्याला भाजीची कन्सिस्टन्सी कशी हवी म्हणजेच ती पातळ कशी हवी.
त्या पद्धतीने तुम्ही पाणी घाला. भाजीला उकड्या आल्यानंतर त्यामध्ये चवीप्रमाणे मीठ घाला. चवीप्रमाणे मीठ घातल्यानंतर त्याला चार ते पाच उकळ्या येऊ द्या.
त्यावर झाकण ठेवा. आता आपली डाळ गंडोरी किंवा मिरचीची भाजी तयार झालेली आहे…. तुम्ही पोळी सोबत ज्वारीच्या भाकरी सोबत खाऊ शकतात..
या भाजीला डाळ गंडोरी यासाठी म्हणतात की त्यामध्ये मिरचीच्या गोल काप म्हणजेच गंडोऱ्या केलेल्या असतात म्हणून या भाजीला डाळ गंडोरी असे म्हणतात….
चला तर मग आपली हिरवी भाजी तयार झालेली आहे……
टिप्स
या भाजीमध्ये तुरीच्या डाळीचा वापर केलेला आहे या ऐवजी तुम्ही मुगाच्या डाळीचा सुद्धा वापर करू शकतात. मुगाच्या डाळीमुळे ऍसिडिटी होत नाही… पण मात्र तुरीच्या डाळीची चव उत्तम लागते..भाजीला तेल सुटण्यासाठी अर्धे झाकण ठेवावे, कारण पूर्ण झाकण ठेवल्याने तेल भाजीत मुरून जाते
वेळ व परिमाण
तयारीची वेळ 10 मिनिटे
एकूण वेळ 40 मिनिटे
परिमाण 5 झण
🍽️ तुम्हाला हे देखील आवडेल
More recipes you may like
