मेथीची कोरडी भाजी
प्रस्तावना::
मेथी ही जरी कडू असली आरोग्यासाठी तितकेच चांगली आहे. आणि ज्यांना साखर आहे त्यांच्यासाठी तर एकदमच चांगली आहे. यामुळे शुगर लेवल कमी होऊ शकते.
साहित्य::
- १ जुडी मेथीची
- एक कांदा
- ४ हिरव्या मिरच्या
- ६ ते ७ लसूण पाकळ्या
- शेंगदाण्याचे कूट
- फोडणीसाठी तेल
- जिरे मोहरी
- मीठ
- कोथिंबीर
कृती:::
सर्वप्रथम मेथीची जुडी निवडून घ्या. म्हणजेच मेथीच्या जुडी मधील मेथीची पाने पाने तोडून घ्या. त्यातील छोट्या छोट्या दांड्या तुम्ही घेऊ शकतात.
पण साधारण वरची वरची पाने त्याची आपण भाजी बनवतो. भाजी तोडल्यानंतर ती दोन ते तीन पाण्यामध्ये स्वच्छ धुऊन घ्या.
कारण त्यामध्ये माती असते. त्यामुळे भाजी कचकच लागू शकते. म्हणून भाजी दोन ते तीन वेळा धुवून घ्यावी.
आता मेथीची भाजी चिरून घ्या. तसेच कांदाही बारीक असा चिरून घ्या. मिरचीच्या गंडोऱ्या करून घ्या. लसणाचे तुकडे करून घ्या.
आता एका कढईमध्ये कडकडीत तेल गरम करा. तेल गरम झाल्यानंतर त्यामध्ये जिरे मोहरीची फोडणी घाला.
आता लसुन तुकडे घालून परतून घ्या त्यानंतर मिरचीचे तुकडे घालून परतून घ्या. कांदा तांबूस रंग होईपर्यंत परतत राहा.
आता यामध्ये पाव चमचा हळद घाला. पाव चमचे धने पूड घाला. आता यामध्ये आपण चिरलेली मेथीची भाजी घाला.
भाजीवर झाकण ठेवून पाच मिनिटे भाजी शिजवून घ्या. भाजी अधून मधून हलवत रहा. आता झाकण काढून घ्या जर भाजीला पाणी सुटले असेल ते पाणी आटेपर्यंत भाजी चांगली परतून घ्या.
भाजीचे पाणी सुकून जाऊ द्या. या भाजीमध्ये तेलाचे प्रमाण जास्त हवे. आता भाजीमध्ये चवीप्रमाणे मीठ घाला.
भाजीमध्ये शेंगदाण्याचे बारीक केलेले कुट घाला.. भाजी चांगली परतून घ्या. त्यामध्ये चिरलेली कोथिंबीर घाला.
भाजी मध्ये कोथिंबीर घातल्यानंतर भाजीचा गॅस बंद करा आता आपली मेथीची भाजी तयार झालेली आहे… ही भाजी तुम्ही पोळी चपाती, भाकरी सोबत खाऊ शकतात…
शेंगदाण्याचे कूट घातल्यामुळे भाजीचा कडसरपणा कमी होऊन लहान मुलंही ही भाजी खातात… शेंगदाण्याचे कुटाचे प्रमाण थोडे जास्त ठेवावे..
टिप्स:
मेथीची भाजी करताना तेलाचे प्रमाण थोडे जास्त ठेवलेले आहे कारण आधीच मेथीची भाजी कडू असते त्यात या भाजीत जर प्रमाणशीर सगळे असले तर भाजी खाण्यास मुलेही तयार होतात. ही भाजी एकाच व्यक्तीसाठी पुरेशी आहे कारण मेथीची भाजी ही शिजवल्यानंतर कमी होते..
वेळ व परिमाण::
तयारीची वेळ: १० मिनिटे
एकूण वेळ:३० मिनिटे
परिमाण:१ व्यक्तीसाठी
