सोयाबीन राईस

प्रस्तावना:: सोयाबीन राईस हा झटपट तयार होणारा आणि लहान मुलांच्या डब्यासाठी दिला जाणारा पदार्थ आहे. सर्व लहान मुलांना अत्यंत आवडतीचा पदार्थ आहे

साहित्य::

एक वाटी छोटे सोयाबीन
एक वाटी बासमती तांदूळ
एक टोमॅटो
एक कांदा
एक सिमला मिरची
100 ग्रॅम पत्ता कोबी \
मॅगी मसाला पॅकेट
ओरिगानो पॅकेट
तेल
जिरे
एक चमचा तिखट
मीठ
कोथिंबीर
पाणी

कृती::

एक वाटी बासमती तांदूळ स्वच्छ धुऊन त्याला शिजवून घ्या. भात असा शिजला पाहिजे की तो मोकळा मोकळा झाला पाहिजे त्याचा गचका होऊ देऊ नये.

दाणा भात शिजला पाहिजे. पातेल्यात सोयाबीन धुऊन घ्या आणि त्यामध्ये पाणी घालून थोडे मीठ घालून सोयाबीन उकडून घ्या.

सोयाबीन उकडणे साधारण पाच मिनिटे लागतात. उकडलेल्या सोयाबीन मधून पाणी वेगळे करून घ्या.एक कांदा लांबा चिरून घ्या.

टोमॅटोही त्याप्रमाणे लांब चिरून घ्या पत्ताकोबी ही बारीक लांब चिरून घ्या. मिरच्याही लांब अशा कापून घ्या.

आपला भात शिजला की एका ताटामध्ये तो मोकळा करून घ्या. कढई मध्ये कडकडीत तेल गरम करा. कडकडीत तेल गरम झाल्यानंतर त्यामध्ये जिरे घाला.

आणि त्यामध्ये शिजवलेले सोयाबीन घाला शिजवलेल्या सोयाबीनमध्ये अर्धा चमचा तिखट अर्धा चमचा मॅगी मसाला आणि मीठ घालून चांगले खरपूस असे खमंग होतील याप्रमाणे परतवून घ्या.

एकाकडे कढईमध्ये तेल गरम करा. तेल कडकडीत गरम झाल्यानंतर त्यामध्ये लांब कापलेल्या मिरच्या कांदा टोमॅटो पत्ताकोबी घालून मिश्रण चांगले परतवून घ्या.

या परतलेल्या मिश्रणामध्ये अर्धा चमचा तिखट चवीप्रमाणे मीठ घालून परतून घ्या. पत्ताकोबी जास्त शिजवू देऊ नये.

त्यात वाफवलेला भात घाला. भात घातल्यानंतर त्यावर मॅगी मसाला पाव चमचा घाला आता आपण जे सोयाबीन फ्राय केलेले आहेत ते भातामध्ये मिक्स करून घ्या.

भाताला एक वाफ येऊ द्या. आता गॅस बंद करा. आणि त्यावर चिरलेली कोथिंबीर घाला. आता आपल्या सोयाबीन राईस तयार झालेला आहे.

मी येथे कुठल्याही सॉसेसचे वापर केलेला नाही. (आपल्याला आवडत असल्यास दोन चमचे सोयासॉस एक चमचा टोमॅटो सॉस एक चमचा रेड चिली सॉस तुम्ही भातामध्ये घालू शकतात.)

टिप्स::

बासमती भात शिजवताना तुम्ही पातेल्यामध्ये शिजवू शकतात भात गचका होणार नाही. भाताचे दाणे मोकळे मोकळे शिजतील त्यावर थोडे साजूक तूप सोडा म्हणजे भात मोकळा होईल.

वेळ व परिमाण::

तयारीची वेळ:२० मिनिटे
एकूण वेळ :४०मिनिटे परिमाण :दोन व्यक्तींसाठी