गोल गोल गुलगुले
आषाढ महिना स्पेशल आखाड गोड असे गुलगुले
प्रस्तावना::
चला आषाढ महिना आला आता आखाड्याला सुरुवात केली पाहिजे…. आखाडा मध्ये गोड म्हणून गुलगुले जे लहानापासून मोठ्यापर्यंत आवडतात…. हे सर्वच जण आवडीने खातात….. तिखट तिखट वड्यांसोबत गोड असे गुलगुले तर हवे…..
साहित्य:::
- पाव किलो गव्हाचे पीठ
- एक वाटी गोड दही ५० ग्रॅम
- एक वाटी गूळ (१५०ग्रॅम)
- एक चमचा तीळ
- दोन चमचे साजूक तूप
- पाणी
- तळण्यासाठी तेल
- मीठ
कृती:::
सर्वप्रथम गुळ घेऊन त्यामध्ये अर्धा ग्लास पाणी घ्या… त्यात गुळ विरघळून घ्या… गुळाचे पाणी गाळून घ्या….त्यामध्ये दही फेटून घ्या…..
त्यामध्ये गव्हाचे पीठ चांगले एकत्र करून घ्या …. रवण जवळ पातळ वाटत असल्यास तुम्ही थोडे अजून गव्हाचे पीठ घालून शकतात…
हे पीठ घट्टसरच हवे एकदम पातळ नको कारण आपल्याला त्याचा गोळा करून गुलगुला थापायचा आहे….
गव्हाचे पीठ व्यवस्थित एकत्र केल्यानंतर त्यामध्ये चिमूटभर मीठ घाला आणि साजूक तुपाचे दोन चमचे घाला आणि व्यवस्थित फेटून घ्या….
यामध्ये एक चमचा तीळ घाला…हे रवण साधारण दोन ते तीन तास चांगले मुरू द्या….. आणि त्यानंतर हाताला थोडे पाणी लावून त्यावर गोळा तयार करून गोळा थापून घ्या…..
आणि नंतर तेलामध्ये तळा दोघ बाजूनी तांबूस रंगावर तळून घ्या…. गुलगुला अगदी गोल आणि छान तुडुंब फुगतात…. गुलगुला तळल्यानंतर तिळ ची चव अगदी छान लागेल…
टिप्स:::
आपण रवण भिजवताना आपण दही चा वापर केलेला आहे… त्यामुळे गुलगुला एकदम नरम होईल…. आणि गुलगुला चांगला फुगेल..,
वेळ आणि परिमाण::
तयारीची वेळ:: भिजण्यासाठी २तास
एकूण वेळ:: तळण्यास २०मिनिटे
परिमाण:: ३व्यक्तींसाठी
