थंडगार असा मठ्ठा

प्रस्तावना:::

उन्हाळा लागला केस थंडगार असे कोणतेही पेय प्यावेसे वाटते… त्यामध्ये शरीराला थंड देणारे तसेच पचनही कळणारे थंडीगार पेय म्हणजे मठ्ठा….

साहित्य::

अर्धा किलो दही
दीड चमचा पुदिना
एक चमचा जलजीरा पावडर
एक चमचा काळे मीठ किंवा सेंधव मीठ
एक चमचा जिरे पावडर
पाव चमचा साधे मीठ
पाच चमचे साखर
अर्धा इंच अदरकाचा तुकडा
एक हिरवी मिरची
थोडी कोथिंबीर

कृती:::

प्रथम अद्रक साल काढून घ्या…. बारीक असे अद्रक किसून घ्या… मिक्सरच्या भांड्यामध्ये किसलेले अद्रक एक मिरची पुदिना पावडर जल जीरा पावडर काळे मीठ साखर घालून सर्व बारीक असं पूड करून घ्या…..

( इथे मी साधी मीठ सुद्धा सांगितलेले आहे पण गरज वाटत असल्यास तरच आपल्याला मीठ घालायचे आहे नाहीतर काळे मिठामुळे मठ्ठ्याला चव आलेलीच असते… त्यामुळे शक्यतो गरज पडत नाही…)

याची सर्व बारीक पूड किंवा थोडे पाणी घालून तुम्ही ते पेस्ट करून घेऊ शकतात… त्यानंतर यामध्ये थोडे दही घालून बारीक अशी पेस्ट करून घ्या…

आता ही पेस्ट एका पातेल्यात काढून घ्या… याप्रमाणे पुन्हा थोडे दही घेऊन त्याचीही पेस्ट करून घ्या… तीही पहिल्या मिश्रणामध्ये एकत्र करा…

उरलेल्या सगळ्या दह्याची पेस्ट करून घ्या आणि ते सर्व मिश्रण एकत्र करून घ्या…. आता आपले सर्वे दही फेटून झालेले आहे…

सर्व मिश्रण एकत्र करून घ्या…. त्यामध्ये गरजेप्रमाणे थंडगार पाणी घाला…. आणि मठ्ठा व्यवस्थित एकत्र करून घ्या….

आणि वरून चिरलेली कोथिंबीर घाला…. आता आपला थंडगार मठ्ठा तयार झालेला आहे… यामध्ये तुम्ही आईस क्यूब सुद्धा घालू शकतात…

तर मग एन्जॉय करूया थंडगार असा मठ्ठा…..

टिप्स::

इथे मठ्ठा करताना मी पुदिन्याचा पावडरचा वापर केलेला आहे तुम्हाला फ्रेश पुदिना मिळाला तर तुम्ही फ्रेश पुदिना असता सुद्धा वापर करू शकतात… साधारण दहा ते बारा पाने पुदिन्याची वापरायची….

वेळ व परिमाण::
तयारीची वेळ:१० मिनिटे
एकूण वेळ:१५ मिनिटे
परिमाण: चार ते पाच ग्लास