उपवासाची कढी
प्रस्तावना:::
आपण नेहमी कढी तर बनवतोस पण उपवासाची कढी सुद्धा एकदम चविष्ट लागते तसेच ही कढी बनवण्याची पद्धत एकदम सोपी आहे आणि कमी जिन्नस मध्ये ही कढी झटपट बनते फक्त उपवासालात नाही तर आपण एरवी सुद्धा ही कढी तयार करू शकतो…
साहित्य :::::
- एक मोठी वाटी दही
- पाव वाटी शेंगदाणे
- अर्धा चमचा जिरे,
- एक बारीक मिरची,
- दोन जाड मिरची,
- कढीपत्त्याची पाने
- साजूक तूप एक चमचा
- आणि चवीप्रमाणे मीठ
- पाणी
कृती:::
सर्वप्रथम पाव वाटी शेंगदाणे गरम पाण्यामध्ये भिजत घाला साधारण वीस मिनिटे आपल्याला शेंगदाणे भिजत घालायचे आहे…
शेंगदाण्यांवरील साल काढून घ्या… मिक्सरच्या भांड्यामध्ये दही शेंगदाणे 1/4 चमचा जिरे एक बारीक हिरवी मिरची याची एकदम बारीक अशी पेस्ट करून घ्या…
हे मिश्रण अगदी बारीक झाले पाहिजे त्यामध्ये शेंगदाण्याचे तुकडे राहायला नको… त्यानंतर हे मिश्रण एका पातेल्यामध्ये काढून एक ग्लास पाणी घालून पातळ करून घ्या….
एका पातेल्यामध्ये एक चमचा साजूक तूप घाला… तूप गरम झाल्यानंतर त्यामध्ये फोडणीला जिरे घाला…
आणि कढीपत्त्याची पाने आणि दोन जाड मिरचीचे काप घाला… आता मिरची आणि कढीपत्ता चांगला परतल्यानंतर. त्यामध्ये आपण जे दह्याचे मिश्रण तयार केले आहे ते घाला …..
आणि मिश्रण सतत ढवळत रहा… आता यामध्ये चवीप्रमाणे मीठ घाला…
आपल्या कडीला दोन ते तीन उकळ्या आल्या की मग गॅस बंद करा… आपली उपवासाची कढी तयार झालेली आहे…
टिप्स:::
दही आपल्याला थोडे आंबटच वापरायचे आहे त्यामुळे कढीची चव छान लागेल… आपण इथे शेंगदाण्याचा वापर यासाठी केला आहे की कढीला घट्टपणा प्राप्त व्हावा….
इथे तुम्हाला कढी जर जास्त घट्ट आवडत असल्यास पाव वाटी शेंगदाण्याच्या ऐवजी तुम्ही थोडे शेंगदाणे अजून घालू शकतात…..
वेळ व परिमाण:::
तयारीची वेळ::१०मिनिटे
एकूण वेळ:: २५मिनिटे
परिमाण:: २व्यक्तींसाठी
